محمد عدلي عيد
١٧ سنة
مركز العدوة المنيا
شاركت في كتب خواطر ٥ كتب منهم أرواح باهته خفايا الروح ...واخدت درع في آخر حفلة وانا بكتب شعر وخواطر وبرسم وشاركت في مسابقات رسم
بدايتي كانت عن طريق واحد صاحبي عرف اني بكتب شعر قالي ع جروب دخلت فيهم وشاركت كان من حوالي قبل شهر ٦ احنا شاركنا وفي الوقت ده اول مرة كنت اعرف يعني اي خواطر ومن المشاركة دي اتنقلت نقلة تانية ..والكتب وشهادات التقدير والدرع عطوني حافز إني ابدأ اكتب اكتب وبقا عندي خبرة في الكتابة بشكل كبير الحمد لله
"الانتقادات" دي بتعامل معاها اني مش بخليها تدمرني وإنما بتقوى بيها
اللي بينتقدوني بتحداهم لانهم شايفيني احسن منهم وناجح فالكراهية والانتقادات بتاعتهم مش هتعوقني للوصول لهدفي ولا في لحظة خليت النقد ده يأثر عليا وأهم حاجة التجاهل وروح العزيمة والإصرار جوايا واني هتحداهم وهوصل لحلمي ورأي الشخص ده ميهمنيش طالما واثق من نفسي
ومثال على ده
في الابتدائية كنت بجيب اعلى الدرجات
في أولى اعدادي نقصت ٦٠ درجة عيلتي كلهم دون استثناء وقفوا ضدي وازاي ده ومحدش منهم دعمني، طبيعي زعلت بس اتحديت نفسي وبقيت اتدرج وفي ٣ اعدادي طلعت من ال١٠ الأوائل واتكرمنا ومحدش منهم صدق وكلهم انصدموا صراحة وقلتلهم شكرا بجد ليكم لولا انتقادكم..وكلامكم مكنتش هوصل للنجاح ده
إرسال تعليق