بقلم الصحفي:-علي أحمد ليورنا
الإسم؟ هناء علاء السعدني
ولقبي هو "جنون المطر"
السن؟ 22سنه
إكتشفت موهبتك إزاي؟ أنا بحب الكتابة جدًا هي دايمًا كانت ملجأي الوحيد للهروب من الواقع بكتب من المرحلة الإعدايه كانت كتابه بدون أي هدف كانت هوايتي الوحيدة، عندي أصحاب كتير بس الكتابة كانت دائمًا أوفي صديق وهي التي لم ترحل عني أبدًا وبدأت أطور من كتاباتي من مجرد كونها كتابه بدأت بإسكربت صغير، وقصه، ومقال، لكني لسه في البداية أتمني إني أوصل لحلمي، بس دلوقت بحاول أقلل كتابة وأقرأ أكتر وأعرف أصول الكتابه بحيث كل كلمه بكتبها تكون مش من مجرد كاتبه هاويه، لكن من كاتبه متمكنه
أعمالي؟ شاركت في أكتر من كيان وكل كيان فيهم، طلعت منه بشيء مميز وإتعلمت من كُتاب كتير، أصحاب مواهب
- شاركت في العديد من الكتب والمسابقات وحصلت على العديد من الشهادات الإلكترونية
شاركت أيضًا في كتاب خواطر مُجمعه(كتاب اللحن السرمدي) وهينزل في معرض القاهرة لعام2022م
وكان أول مشاركه ليا في كتاب ورقي.
وأيضًا شاركت في كُتب إلكترونيه) تنهيدة كاتب -بحور-60إعتراف-طال الغياب- أمواج من القصص
مين شجعك؟ اللي شجعوني وكانو مؤمنين بييا وشافو إني لازم أوصل لحاجه كويسه واللي أول ما قررت إني أكتب وأبعت لحد، بدأت أبعتلهم كتاباتي بجد كان ليهم فضل كبير جدًا صحابي (خطيبي ورفيق عمري-أمل -وسام) كانو واقفين في ضهري وبيشجعوني دايمًا على كل خطوه وإني لازم أطور من نفسي أكتر وأنجح، أخدت الثقه منهم وبدأت كل الشكر والتقدير ليهم.
فكرت متكتبش تاني؟ أيوه كنت خلاص قررت إني أرجع وما أكملش وإني يأست ومش هوصل لكن خطيبي وصحابي دعموني وأخدت منهم الثقه تاني وكملت لأن مينفعش بعد دا كله أخذلهم وأخيب أملهم فييا.
أكتر روايه بحبها:- أنت لي -مخطوطه إبن إسحاق
بتكتب من قد إي؟ بكتب من الإعداي كتابه عاميه لكن دلوقت بتعلم أصول الكتابه كويس
شايف نفسك فين بعد سنه في مجال الكتابه؟ بإذن الله ناويه أعمل حاجات كتير من ضمنها إني أوصل لمعرض الكتاب.
إي رأيك في مبادرة انسجام؟من أحسن المبادرات اللي شاركت فيها إستفدت منها كتير وبيشجوعنا وبيدعمونا جدًا وكأننا أولادهم.
أمُنيتي؟ إني أوصل لحلمي اللي كنت شايفاه حاجه بعيدة جدًا، ومستحيل أوصله في يوم، وأثبت للدنيا كلها وللي كانو دايمًا بيحطموني إني قادرة أوصل وأنجح واللي كان مؤمن بييا وبقدراتي إني كنت قد الثقه دي
تحب تشكر مين؟ كل شكري وتقديري لأغلي ما في الوجود (أبي وأمي وأخواتي )كل اللي أنا فيه بسببهم طبعا)
نصيحه؟ لكل إنسان عنده موهبة مش بس كاتب وخايف من الفشل مفيش فشل مع الإرادة والعزيمه
مفيش إحباط تاني متسمحوش لحد إنه يقتل فيكو حلمكو متسمحوش لحد يحطمكو بكلامه، خلينا كلنا قد التحدي، فلدينا مستقبل، هي بنا ننطلق ووداعًا إلى اليأس والإحباط.
إرسال تعليق