الأسم: عزالدين مجدي
اللقب: الكاتب الرمادي
تاريخ الميلاد: 20/09/2001
سبب إختيار لقبي: إن كان الأبيض يجسد الخير والأسود يجسد الشر فالرمادي يجمعهما سويًا بكل تأكيد..
نفس الأمر يحدث مع الإنسان في الخير يسكنه بفطرته والشر يختبئ في نفسه وكلاهما يسكنان جسده كذلك الأمر مع الحياة.. ومن هنا نفهم أن الرمادي هو لون الحياة، يرمز لكل شيء ومضاده، الخير والشر، الأبيض والأسود...الخ
أكثر موقف غبي عملته: كان فيه زي مسابقة لأحسن باحث في سن الشباب والمراهقة، كنت شغال أنا على بحث المفروض إن نتيجة إننا نقدر نخلق الإعضاء داخل الجسم من جديد عن طريق الخلايا العصبية، أو على الأقل نخلقها من الحيوان، او الأجنة، بدون تفاصيل كتير، أشتغلت على البحث دا بالظبط، سنة وثلاث أشهر، وبسببه ضحية بسنة من عمري وسقط أولى ثانوي، بس ربنا كافئني، والبحث أتقبل، والمفروض إني كنت أكمل كام أجراء وهطلع بعثة لدولة أجنبية بغرض التعلم في تخصص البحث...الخ، الغباء اللي أنا عملته ولسبب أنا شخصيًا معرفوش، مقولتش لحد على البحث دا ولا حتى أهلي، وللأسف كنت مفكر إن أهلي مهيقبلوش إني أسافر...ألخ فمقولتلهمش إني نجحت حتى، كنت شايف إن دا إنتصار ليا لوحدي، محدش هيهتم.. كان ليا صديق (الله يسامحه) بعتله البحث يقرأه وبتاع المهم سرق البحث وحقوق الملكية مني وحرفيًا أتبخر بعدها بأقل من شهر أو أتنين.
انجازاتي: كنت قلتها قبل كدا وهعيدها تاني..
بقرأ بمعدل من 300 ل 600 صفحة يوميًا، والأول كنت بقرأ ما بين 500 ل 900.
كتبت رواية "مثقف في صراع نفسي" اللي بتضم أكثر من 110 مقال علمي وفلسفي وتاريخي...الخ
كتبت سلسلة (فرعون موسى ما بين حكم مصر وايجبت) السلسلة بتناقش قصة فرعون، من أول لغز الأسم وهل هو لقب ولا إسم فعلًا، وهل مصر أسمها مصر ولا لأ، وإزاي الهكسوس بدأو يزحفوا مصر وازاي فرعون حكمها، ومين ساعد سيدنا موسى من الناحية الحربية في الفوز على موسى...ألخ
والسلسلة من المصادر اللي استعنت بيها في كتابتها: خمس سلاسل كبيرة منها مختصر تاريخ البشر، وتاريخ ابن خالدون و وموسوعة مصر القديمة، وموجز تاريخ الحضارات ...ألخ طبعًا غير الكثير من الكتب والمقالات والأبحاث التاريخية و (العلمية) السلسة ضمت أكثر من 60 مقال
كتبت سلسلة لما يحدث هذا اللي بتضم أكثر من 50 مقال علمي منهم نظريات مبنية على الفزياء الحديثة زي مثلًا لي مفيش حاجة أسرع من الضوء.
كتبت سلسلة فزياء عن نظرية الأوتار الفائقة والنسبية وميكانيكا الكم، اللي دخلت في أكثر من 200 مقال.
كتبت سلسلة نصوص "نثر شعري" بعنوان (ملك مجرة المختلين) اللي ضمت أكثر من 30 نص كل نص 1500 كلمة على الأقل.
كتبت أكثر من قصة رعب ودراما وحب
وصاحب رواية #المسخ_ذو_الوجه_البريء
بعيد عن التطبيقات اللي عملتها زي Gray Virus والكاتب الرمادي وغيرها فالجزء البرمجي دا صفحة واتقفلت في حياتي ومش هذكر الجنب دا مني إطلاقًا بعد كدا
إرسال تعليق